د مالیې وزارت سرپرست د افغانستان لپاره د ایران اسلامي جمهوریت له سفیر سره په یو شمېر اقتصادي موضوعاتو خبرې وکړې
د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، نن د چنګاښ میاشتې په ۹ مه نېټه د افغانستان لپاره د ایران اسلامي جمهوریت سفیر ښاغلي محمد رضا بهرامي، سره په خپل کاري دفتر کې وکتل.
په دې کتنه کې دواړو لوریو په شمېر اقتصادي موضوعاتو، چابهار بندر کې د افغان سواګرو په شته ستونزو، د خواف – هرات ریل پټلۍ په جوړیدو، د ابونصر فراهي ګمرک د ستونزو په حلولو، د مرزي بازارچو په پراخوالي، د ایران له لارې نورو هیوادونو ته د افغانستان د کرنېزو محصولاتو په ځانګړې توګه د هندواڼو په صادرولو او په یو شمېر نورو اړوندو مسایلو بحث او د نظرونو تبادله وکړه.
همداشان دواړو لوریو په نږدې راتلوونکې کې ایران هیواد ته د افغانستان د ګمرکي پلاوي په سفر او هلته له ګمرکونو او سرحدي برخو کې په ګډې لیدنې هم خبرې وکړې.
د ایران اسلامي جمهوریت سفیر په نږدې راتلوونکې کې افغانستان ته د خپل هیواد د نیرو وزیر چې د افغانستان – ایران تر منځ د ګډ اقتصادي او سوداګرۍ کمېیسیون رئیس هم دی، خبر ورکړ او تر څنګ یې د مالیې وزارت له سرپرست څخه یې هم غوښتنه وکړه چې د چابهار بندر په اړه د خبرو موخه ایران ته سفر وکړي.
