د مالیې وزارت سرپرست د اقتصاد له وزیرې سره وکتل
د مالیې وزارت سرپرست محمد خالد پاینده، د اقتصاد له وزیرې ډاکټرې کریمې حامد فاریابۍ، سره د مالیې په وزارت کې لیدنه او خبرې وکړې.
په دې لیدنه کې چې د مالیې وزارت د پالیسۍ مرستیال نذیر کبیري هم حضور درلود، دواړو لوریو د مالیې او اقتصاد وزارتونو ترمنځ د همغږیو او همکاریو په لا پیاوړي کېدو، د دواړو وزارتونو ترمنځ په عامه پانګونه (PIM)، د دې وزارت د NTA کارکوونکو په ستونزو او یو شمېر نورو مسایلو په تړاو خبرې وکړې.