د مالیې وزارت سرپرست: د سعودي عربستان ژمنه شوې پیسې به په وخت د افغانستان بانک له لارې د منا د پېښې شهیدانو او ټپیانو ته تسلیم شي

admin_mof
شنبه ۱۳۹۸/۶/۱۶ - ۱۳:۱
خبر

د مالیې وزارت سرپرست او د زېربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د وږې میاشتې په ۱۴ مه نېټه په سعودي عربستان کې د افغانستان له سفیر ښاغلي سید جلال کریم، سره په مالیې وزارت کې وکتل.

په دې کتنه کې دواړو لوریو د بیت الله شریف د حج مراسمو په مهال د جمرات په لاره د منا د قربانیانو او د دې پېښې شهیدانو او ټپیانو لپاره د سعودي عربستان د مرستو په تړاو بحث او خبرې وکړې.

د منا په پېښه کې چې په ۱۳۹۴ کال کې رامنځته شوه، د جرثقیل د لوېدو له کبله یو شمېر حاجیان شهیدان او ټپیان شول، چې یو شمېر افغان حاجیان هم پکې شامل ول. خادم حرمین شریفین جلالتمآب سلمان بن عبدالعزیز ال سعود، د دې پېښې د شهیدانو لپاره یو میلیون سعودي ریال او د ټپیانو لپاره ۵۰۰ زره سعودي ریال ژمنه وکړه، چې له دې کبله په عربستان کې د افغانستان سفیر له لوري ۲۳ چکونه د مالیې وزارت سرپرست ته وسپارل شول.

د مالیې وزرات سرپرست وویل، چې یادې پیسې به ډېر ژر د افغانستان بانک له لوري د شهیدانو او ټپیانو کورنیو ته وسپارل شي.

تازه خبرونه

چهارشنبه ۱۳۹۸/۸/۲۹ - ۱۶:۰
Background image

د افغانستان حکومت او اروپایي ټولنې ترمنځ د دولت جوړونې قرارداد مشرتابه کمېټې اوومه ناسته وشوه

د مالیې وزارت سرپرست او د زېربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي؛ او د افغانستان لپاره د اروپایي ټولنې سفیر ښاغلي پییر مایډون، په ګډه مشرۍ د. . .

چهارشنبه ۱۳۹۸/۸/۲۹ - ۱۱:۱۳
Background image

د څلور میلیونه یورو په ارزښت د خوندي سندونو چاپولو ماشینونه وپېرل شول

د مالیي وزارت اداری مرستیال ښاغلی عبدالحبیب ځدراڼ، د لړم میاشتې په ۲۸ مه نېټه د جنګلک په سیمه کې د افغانستان د خوندي سندونو چاپولو د ماشینونو له را رسېدو چې له جرمنې هیواده د څلور. . .

چهارشنبه ۱۳۹۸/۸/۲۹ - ۱۱:۲
Background image

د ملي یووالي حکومت له پیله د افغانستان اقتصادي وده لوړې کچې ته رسېدلې

زموږ راپورونه ښیي، چې د افغانستان اقتصادي وده په روان مالي کال کې زیاته شوې ده. په ۱۳۹۷ کال کې د هیواد اقتصادي وده له ۲.۷ سلنې په ۱۳۹۸ کې ۳ سلنې ته لوړه شوې ده، د افغانستان د اقتصادي. . .

BACK TO NEWS