د مالیې وزارت سرپرست د همکارۍ او اقتصادي پراختیا لپاره د المان فدرال د دولت وزارت له مرستیال سره د علاقې وړ په اقتصادي مسایلو خبرې وکړې
د مالیې وزارت سرپرست او د زېربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د تلې میاشتې په ۲۷ مه نېټه د همکارۍ او اقتصادي پراختیا لپاره د المان فدرال د دولت وزارت له مرستیال ښاغلي مارټین جیګر، سره وکتل.
په دې کتنه کې دواړو لوریو د افغانستان حکومت د مالي او اقتصادي پرمختګ، د دواړو هیوادونو ترمنځ د پراختیایي همکاریو موافقتنامې په لاسلیک، په ملکي برخه کې د افغانستان د تمویلوونکو په ناسته چې ټاکل شوې په ۲۰۲۰ کال کې ترسره شي، د افغانستان لپاره د المان په مرستو، د مالي او بودیجوي اصلاحاتو په پلي کولو، د ټاکنو په بریالي ترسره کېدو، سولې بهیر او یو شمېر نورو ورته مسایلو په تړاو خبرې وکړې.
ټاکل شوې ده، نوموړی په نږدې راتلونکي کې د دواړو هیوادونو ترمنځ د پراختیایي همکاریو موافقتلیک لاسلیکولو په موخه افغانستان ته سفر وکړي.
