د مالیې وزارت سرپرست: د ۱۳۹۹ مالي کال په ملي بودیجه کې د ټولو ولایتونو اړتیاوې په متوازنه توګه په پام کې نیول کېږي
د مالیې وزارت سرپرست او د زېربنا په چارو کې د ولسمشرۍ عالي مقام ستر سلا کار ښاغلي پروفیسور محمد همایون قیومي، د چنګاښ میاشتې په ۳۰ مه نېټه په ولسي جرګه کې د بدخشان او ډاینکڼدي ولایتونو له استازو سره د مالیې وزارت په مقام کې وکتل.
دې کتنه کې د ولسي جرګې استازو د بدخشان او ډایکنډي ولایتونو د خلکو ستونزې، لومړیتوبونو ته په کتو سره د پراختیایي پروژو پلي کېدل، د روانو پروژو چټکېدل او په ملي بودیجه کې د ټولګټو پروژو ورګډېدل یې د مالیې وزارت له سرپرست سره شریک کړل.
د مالیې وزارت سرپرست وویل، چې د را روان مالي کال ملي بودیجه به د ولسي جرګې له استازو سره په همغږۍ، متوازنه او د لومړیتوبونو په پام کې نیولو سره ترتیب او د ټولو ولایتونو شته ستونزو ته به رسېدنه وشي. .
