د مالیې وزارت مالي مرستیال د اسلامي پراختیا بانک (ISDB) او د ژوند معیشیت وجهي صندوق (LLF) له رئیسانو سره وکتل
د مالیې وزات مالي مرستیال ښاغلي زاهد همدرد، چې سعودي عربستان ته په رسمي سفر تللی وو د کب میاشتې په ۷ مه نېټه د جدې په ښار کې د اسلامي پراختیا بانک (ISDB) له رئیس ښاغلي ډاکټر بندرالحجار، او د ژوند معیشیت وجهي صندوق (LLF) له رئیس ښاغلي محمد عمر، سره په جلا توګه وکتل.
په دې جلا لیدنو کې دواړو لوریو د افغانستان - اسلامي پراختیا بانک تر منځ د اړیکو په ټینګولو او مالي همکارۍ په پیاوړتیا، له ټکټانې پرته د اوږدمهاله پورونو په برابرولو، د زېربنایي پروژو په ملاتړ، کرنې، روغتیا، کلیو پراختیا، هغه پروژې چې د نوموړي صندوق له لارې تمویلېږي او نورو اړوندو مسایلو په تړاو د نظرونو تبادله وکړه.
