د مالیې وزارت مقام د شکایتونو اورېدو خپلواک آمریت (۲۰) شکایتونو ته رسېدنه کړې!

د مالیې وزارت د شکایتونو د اورېدو خپلواک آمریت د دغه وزارت اړوند ټولو شکایتونو؛ لکه: فساد، کم کاري، کار ځنډوني او د یو شمېر مسئولینو ناسم چلند ته د رسېدني مسئولیت په غاړه لري او ترلاسه سوي شکایتونه په مستقیم ډول د وزارت له مقام سره شریکوي.
دغه آمریت د روان (۱۴۰۳) کال لړم میاشتي له پیل څخه د دغي میاشتي تر پایه پوري په ټوله کي (۲۰) شکایتونه ترلاسه او اورېدلي دي، چي له دې ډلي څخه (۱۲) شکایتونو ته رسېدنه سوې، (۳) تر کار لاندي دي او (۵) نور شکایتونه د کافي معلوماتو او شکایت کوونکو له لوري د اثباتیه اسنادو د نشتون له امله د دغي ادارې لخوا بې بنسټه وګڼل سول.
له دې ډلي (۱۰) شکایتونه د واټساپ له لاري، (۱) شکایت د ټلیفون له لاري او (۹) شکایتونه په حضوري بڼه له دې ادارې سره شریک سوي دي، چي یاد شکایتونه د املاکو، تدارکاتو، مالي او منفکۍ برخو کي ول، چي د دغه آمریت له لوري پر وخت ورته رسېدنه سوې ده.
د یادوني وړ ده، چي ټول هیوادوال کولای سي، چي د مالیې وزارت د بېلابېلو څانګو په ځانګړي توګه د عوایدي سرچینو او د ګومارني په برخه کي د اصلاحاتو په تړاو خپل شکایتونه، وړاندیزونه او نظریات د برېښنالیک، واټساپ، ټلیفون، په حضوري بڼه او د شکایتونو د صندوق له لاري له دغي ادارې سره شریک کړي، چي د شکایتونو د اورېدو آمریت به له طبقه بندۍ وروسته دغو شکایتونو ته په شفاف او ټاکلي وخت رسېدنه وکړي.
د ټلیفون شمېرې: ۰۲۰۲۹۲۴۲۳۳/ ۰۲۰۲۹۲۴۱۹۰
واټساپ نمبر: ۰۷۴۵۷۶۵۷۵۶
برېښنالیک: Officialcomplaints@mof.gov.af