د مالیې وزارت نوماند وزیر او سرپرست د نړیوال بانک او پیسو نړیوال صندوق مدیره پلاوي په کلنۍ ناستو کې ګډون وکړ

admin_mof
سه‌شنبه ۱۳۹۹/۷/۲۹ - ۱۴:۶
خبر

د مالیې وزارت نوماند وزیر او سرپرست ښاغلي عبدالهادي ارغندیوال، د تلې میاشتې په ۲۸ مه نېټه د نړیوال بانک او پیسو نړیوال وجهۍ صندوق کلنۍ مدیره پلاوي ناستو کې د ویډیو کنفرانس له لارې ګډون وکړ.

په دې ناستو کې چې د بېلابېلو هیوادونو لوړ پوړو چارواکو ګډون کړی وو، د نړیوال اقتصاد په راتلونکي، د نړۍ اقتصادي ثبات، اقلیمي بدلونونو، د نړۍ په اقتصاد باندې د کرونا ویروس خپرېدو اغېزو، د کرونا ویروس له مخنیوي سره په مبارزه او یو شمېر نورو ورته مسایلو په تړاو خبرې او د نظرونو تبادله وشوه.

د مالیې وزارت سرپرست، د دې ناستو په حاشیه کې د پیسو نړیوال صندوق اجرائیوي مرستیال، ښاغلي میټسو هیرو فراسوا، سره ولیدل او د افغانستان د مالي او اقتصادي وضعیت د پرمختګونو، په دې هیواد کې په اقتصادي او مالي وضعیت باندې د کرونا ویروس خپرېدو په منفي اغېزو، د ۲۰۲۰ پراختیایي کنفرانس جوړیدو لپاره د دې هیواد په چمتووالي او د نړیوالې ټولنې د مرستو او ژمنو جلبولو او له افغانستان سره د پیسو نړیوال صندوق دری کلن اصلاحاتي پروګرام په تړاو خبرې وکړې او په دې اړه یې د چمتووالي خبر ورکړ.

خبر

د پیسو نړیوال صندوق اجرائیوي مرستیال، له کرونا ویروس سره د مبارزې په برخه کې د افغانستان د هڅو ستاینه وکړه او په دې برخه کې یې د لګښتونو په روڼتیا ټینګار وکړ.

همدا شان د دې ناستو په حاشیه کې د مالیې وزارت سرپرست، د څو اړخیزه پانګونې تضمین ادارې (MIGA) له مسؤلینو سره هم ولیدل او له افغانستان سره د میګا د همکاریو په دوام، د افغانستان په اړه د جینوا پراختیایي کنفرانس، چې له نړیوالې ټولنې سره دوه اړخیزه ژمنې پکې نوې کېږي، د ۲۰۲۰ کال په پراختیایي کنفرانس کې د افغانستان د سولې او پراختیا ملي چوکاټ په وړاندې کولو، د افغانستان د خصوصي سکټور له برخې د څو اړخیزه پانګونې تضمین ادارې د همکاریو او نورو مسایلو په هلکه خبرې وکړې. د مالیې وزارت سرپرست وویل، چې ځان بسیاینې ته رسېدل او د خصوصي سکټور پیاوړي کول د افغانستان حکومت د سولې او پراختیا ملي چوکاټ په لومړیتوبونو کې دي.

تازه خبرونه

سه‌شنبه ۱۳۹۹/۹/۴ - ۲۲:۳۹
Background image

د ۲۰۲۰ کال په کنفرانس کې له افغانستان څخه قوي ملاتړ

جنیوا، د ۲۰۲۰ کال د نوامبر۲۴مه - په دې کنفرانس کې نړیواله ټولنه د افغانستان له خلکو سره خپلې اوږد مهاله د پام وړ ژمنې نوې کوي. افغانستان او نړیوال همکاران یې له ۲۰۲۱ – ۲۰۲۴ پورې ګډو. . .

سه‌شنبه ۱۳۹۹/۹/۴ - ۱۵:۶
Background image

د مالیې وزیر د ۲۰۲۰ کنفرانس په حاشیوي ناسته کې د فنلنډ هیواد د پراختیایي همکارۍ او بهرنۍ سوداګرۍ له وزیر سره وکتل

د مالیې وزیر ښاغلي عبدالهادي ارغندیوال، د لېندۍ میاشتې په ۴ مه نېټه د ۲۰۲۰ کنفرانس په حاشیوي ناسته کې د فنلنډ هیواد د پراختیایي همکارۍ او بهرنۍ

سه‌شنبه ۱۳۹۹/۹/۴ - ۸:۴۸
Background image

د مالیې وزیر د "اقتصادي لومړیتوبونه او د مرستو اغېزمنتوب" په نوم د ۲۰۲۰ کنفرانس په جانبي ناسته کې ګډون او وینا وکړه

د مالیې وزیر ښاغلي عبدالهادي ارغندیوال د "اقتصادي لومړیتوبونه او د مرستو اغېزمنتوب" په نوم د ۲۰۲۰ کنفرانس په جانبي ناسته کې ګډون

BACK TO NEWS