د مالیې وزارت نوماند وزیر او سرپرست: د هلمند ولایت څخه د غنمو پیر او د اوبو تنظیم مدیریت په بودیجه کې تنقیص نه راځي
د مالیې وزارت نوماند وزیر او سرپرست ښاغلي عبدالهادي ارغندیوال نن د غویي میاشتې په ۱۱ مه نېټه د کرنې، اوبو لګونې او مالدارۍ وزیر ښاغلي نصیر احمد دراني، د کلیو بیا رغونې او پراختیا وزیر ښاغلي مجیب ارحمن کریمي او د اوبو چارو نظیم مدیریت ملي ادارې رئیس ښاغلي خان محمد تکل سره په مالیې وزارت کې وکتل.
په کتنه کې د مالیې وزارت سرپرست د یادو دولتي ادارو له رهبرۍ سره د یو شمېر هغو پروژو په تنقیصاتو چې اوس مهال د پلي کیدو وړ نه دي او یا هم لومړیتوب نلري، د یادو پروژو د بودیجې تعدیل او ځانګړی کول یې د کرونا ویروس سره د مبارزې لپاره بحث او د نظرونو تبادله وکړه.
د مالیې وزارت سرپرست وویل چې په هیواد کې د کرونا ویروس خپریدو ته په پاملرنې سره اوسنی ستونزمن حالت درکو او اړتیا لرو چې د کرونا ویرس له زیات خپریدو سره مبارزه وکړو او د هیواد له بیوزلو او زیانمنو خلکو سره مرسته وکړو.
نوموړي زیاته کړه اړتیا ته په کتو سره اوسني حالت کې هغه پروژې چې تدارکاتي پروسه یې نه ده بشپړه شوې، یا یې د پلي کیدو وضعیت یې ښه نه دی او یا هم اوسني حالت ته په کتو سره لومړیتوب نه لري، تنقیص په کې راولو او پیسې یې د کرونا ویروس سره د مبارزې لپاره ځانګړی کو. د مالیې وزارت سرپرست زیاته کړه چې د یادو دولتي ادارو د رهبرۍ راغوښتلو څخه موخه داده چې یاد تنقیصات له یادو ادارو سره په همغږۍ رامنځته او د پروژو بودیجه داسې تعدیل شي چې په مهمو ملي او لومړیتوب لرونکو پروژو منفي اغیزه ونکړي.
د یادو ادارو رهبرۍ وویل چې اوسني ستونزمن حالت ته په پام سره، دې حالت ته چمتو والی لري او د یادو برخو تخنیکي مطالعات تر سره شوي او دوی د مالیې وزارت د بودیجې لوی ریاست له تخنیکي ټیم سره په اړیکه کې دي. دوی زیاته کړه چې موږ له یو شمېر پروژو څخه بودیجه تنقیصو څو له کرونا ویروس سره د مبارزې په برخه کې ولګول شي که چیرې د مالي کال په منځ کې د هیواد اقتصادي وضعیت ښه شو مالیې وزارت دې یادو پروژو ته بیرته پیسې ځانګړې کړي.
په پای کې پریکړه وشوه چې د یادو ادارو تخنیکي ټیمونه دې ژر تر ژره اړوندې پروژې او د تنقیصاتو کچه روښانه کړي او له مالیې وزارت سره په توافق دې یاد تنقیصات تر سره شي.
