د مالیې وزیر د هیواد د شمال زون د یو شمېر ولایتونو له مسؤلینو سره وکتل!
![...........](/sites/default/files/2024-02/wzyr_1.jpg)
د مالیې وزیر الحاج ملا محمد ناصر اخوند د هیواد شمال زون ته د خپل رسمي سفر په ترڅ کي، د کندز، سمنګان، بغلان او سرپل ولایتونو له ولایتي مسؤلینو او مستوفیانو سره وکتل.
په دې کتنو کي، چي د ګمرکونو لوی رئیس مفتي عبدالمتین سعید او یو شمېر نورو مسؤلینو هم حضور درلود، د مستوفیتونو او ولایتي ادارو پر لا ښي همغږۍ، په شفاف ډول د مالیاتو پر راټولولو، د لګښتونو پر ښه مدیریت، د ملي عوایدو په راټولولو کي د ولایتي او مالیاتي ادارو ترمنځ په لازمه همکارۍ، خبري او د نظرونو تبادله وسوه.
همدا رنګه د مالیې وزیر د ولایتونو مالیاتي ادارو مسؤلینو ته لازمي سپارښتني وکړې او د بي ځایه لګښتونو پر مخنیوي او اصولي کړنو په ترسره کولو ئي ټینګار وکړ، ترڅو مالیات په ټاکلي وخت او شفاف ډول راټول او ملي خزانې ته وسپارل سي.