د میرویس میدان - د ابوذر غفاري سوداګریز او استوګنیز مارکېټ جوړولو د داوطلبۍ ناسته وسوه!
تلي ۲۹مه ۱۴۰۴ هـ.ل
د مالیې وزارت د امارتي املاکو لوی ریاست د کابل ښار په (۵) ناحیه میرویس میدان کي د ابوذر غفاري سوداګریز او استوګنیز مارکېټ جوړولو د داوطلبۍ ناسته د دغه وزارت په خیبرهال کي د څو داوطلبو شرکتونو په ګډون سره وسوه.
په دې ناسته کي، هغو شرکتونو، چي د هیواد په پرمختګ او اقتصادي وده کي د پانګوني غوښتونکي ول، ګډون وکړ او پیشنهادي طرحي ئې وړاندي کړې.
دا مارکېټ به له پلان سره سم د درېيو ځمکتلونو په لرلو سره کم ترکمه په (۲۳) پوړونو کي جوړ سي. د دې ملکیت ټول پراخوالی (۸۱۸۴) متره مربع دئ، چي (۷۰) سلنه د ذکر سوي مارکېټ د جوړولو له پاره او (۳۰) سلنه د شنې سیمي له پاره ځانګړي سوې ده. د دې پروژې په پلي کولو سره به نه یوازي پرمختک رامنځته سي، بلکي ډېرو هیوادوالو ته به د کار فرصتونه هم برابر سي.
د یادوني وړ ده، چي وړاندیز سوي طرحي، د تحلیل او ارزوني کمېټې له خوا له ارزوني وروسته، د وروستۍ پرېکړي او د ګټونکي شرکت د اعلان په موخه د ریاست الوزراء اقتصادي معاونیت ته وړاندي کېږي.
