د هرات او آقینې ګمرکونو کارکوونکو ته جوړ سوي روزنیز ورکشاپونه پای ته ورسېدل!
د ګمرکونو ملي اکاډمۍ د تدریسي پلان له مخي، د هرات ګمرک (۷۲) تنو کارکوونکو ته (۴۵) ورځنی او د آقینې ګمرک (۲۶) تنو کارکوونکو ته (۱۵) ورځنی جوړ سوي روزنیز ورکشاپونه پای ته ورسېدل.
په دې ورکشاپونو کي د ګمرکونو ملي اکاډمۍ د مسلکي ښوونکو له لوري یادو کارکوونکو ته د سوداګریزو توکو د تشرېح، ګمرکي تعرفې، بیي ایښودني، د دروازو مدیریت او د اسیکوډا سیسټم په برخو کي عملي او نظري زده کړي ورکړل سوې.
د یادوني وړ ده، چي د چارو د لا ښه والي او په معیاري ډول د ګمرکي طی مراحلو ترسره کولو په موخه د ولایتي ګمرکونو د کارکوونکو وړتیا لوړول د مالیې وزارت د ګمرکونو لوی ریاست په لومړیتوبونو کي قرار لري، چي له دې وړاندي هم زیات شمېر کارکوونکو ته په بېلابېلو برخو کي روزنه ورکړل سوې او دا لړۍ به په راتلونکي کي هم دوام ولري.
