د هیواد له لومړۍ او دوهمه درجه مستوفیتونو سره انلاین ناسته وسوه!
د لړم ۱۸مه ۱۴۰۴هـ.ل
د مالیې وزارت د عوایدو لوی ریاست د مستوفیتونو چارو د مرستیال په مشرۍ او د دې ریاست د یو شمېر رئیسانو په ګډون د هیواد د لومړۍ او دوهمه درجه مستوفیتونو له مسؤلینو سره پر لیکه(انلاین) بڼه ناسته وسوه.
په پیل کي د ولایتي عوایدو د انسجام او پراختیا ریاست، د مستوفیتونو د بررسۍ له لوري د ترلاسه سویو عوایدو تحلیلي راپور وړاندي کړ، چي له مخي ئې د یادو مستوفیتونو د بررسۍ آمریتونه او عمومي مدیریتونه د عوایدي هدف په ترلاسه کولو کي بریالي ښودل سوي ول.
په دې ناسته کي همداراز، د مرکز او ولایتونو په کچه د بررسۍ د اجراآتو د همږغۍ او یوشان کولو په موخه د بررسۍ پروسې د تشرېح سربېره پر یو شمېر نورو اړوندو موضوعاتو هم بحث وسو او د یادومستوفیتونو د اړوندو برخو مسئولینو پوښتني، ستونزي او غوښتني واورېدل سوې، چي د مسئولینو له لوري ئې پوښتنو ته ځوابونه، ستونزو او غوښتنو ته د رسېدو ډاډ ورکول سو.
د یادولو ده، چي د عوایدو لوی ریاست له لوري ورته ناستي د مستوفیتونو د بېلابېلو برخو د غښتلتیا او پراختیا په موخه ترسره کېږي.
