د ولایتي مستوفیتونو او ګمرکونو ۸۲ تنو کارکوونکو ته جوړ سوي روزنیز پروګرامونه پای ته ورسېدل!

org_admin
پنجشنبه ۱۴۰۳/۹/۸ - ۱۳:۵۳
...........

د مالیې وزارت د ګمرکونو او عوایدو ملي اکاډمۍ د کلني تدریسي پلان سره سم، د ولایتي مستوفیتونو د برسي برخي (۴۷) تنو او د  ولایتي ګمرکونو (۳۵) تنو کارکوونکو ته د تعرفې بیي ټاکني او لابراتور د «مسلکي کولو» تر سرلیک لاندي جوړ سوي ښوونیز پروګرامونه د تصدیق پاڼو په ورکولو سره پاي ته ورسېدل.
په همدې تړاو جوړه سوې غونډه کي د مالیې وزارت د عوایدو لوی ریاست عملیاتي مرستیال ښاغلی انجنیر خان محمد ذاکر، د ګمرکونو لوی ریاست اړوند د ګمرکي د بیي ټاکني رئیس ښاغلی صبغت الله شهیدزاده، د ګمرکونو لوی ریاست اړوند د تعرفې رئیس ښاغلي عبدالرحمن وقاد او یو شمېر آمرینو ګډون کړی وو.
مسؤلینو په خپلو ویناوو کي  ټینګار وکړ، چي کارکوونکي باید په کاري چارو کي د منل سویو تګلارو، اصولو او قواعدو پر اساس په عادلانه او مسلکي ډول خپلي دندې ترسره کړي او له دغه ډول ښوونیزو پرګرامونو څخه د ترلاسه سوي پوهي او معلوماتو څخه په خپلو اړوند چارو کي اعظمي ګټه پورته کړي.
د یادوني وړ ده، چي د دغه (۲۳) ورځني روزنیزو پروګرامونو په لړ کي ګډونوالو ته پر عایداتو د مالیاتو قانون، د عوایدو د طرزالعملونو، اظهارلیکونو د تشرېح، مالیاتي محاسبې، بررسۍ، سیګټاس سیسټم، تعرفې، بیي ټاکني، لابراتور، ګمرکي قوانینو او اسیکوډا سیسټم په اړه روزنه ورکړل سوه.

وروستی خبرتیاوينور دلته

دوشنبه ۱۴۰۳/۴/۲۵ - ۱۲:۲۰
Background image
یکشنبه ۱۴۰۲/۱۱/۸ - ۱۵:۵۹
Background image

د مالياتي محاسبينو د اتمي دورې د ازمويني لپاره د نومليکني خبرتیا!


د عوایدو لوی ریاست اړوند د حقوقي خدمتونو او پالیسۍ ریاست په پلان کي لري، چي د اتمي دورې د مالیاتي محاسبینو ازمویني لپاره له (08/11/1402 تر 08/12/1402) نېټې پوري نوم لیکنه ترسره کړي. له . . .

تازه خبرونه

سه‌شنبه ۱۴۰۴/۳/۱۳ - ۱۵:۵
Background image

تېره اوونۍ د هیواد په بېلابېلو ولایتونو کي قاچاقي توکي نیول سوي دي!


د غبرګولي۱۳مه۱۴۰۴هـ.ل
د مالیې وزارت د ګمرکونو لوی ریاست د ګرځنده څارني کارکوونکو تېره اوونۍ د نیمروز، کندهار او هلمند ولایتونو په بېلابېلو سیمو کي قاچاقي توکي نیولي دي، چي قاچاق کوونکو. . .

دوشنبه ۱۴۰۴/۳/۱۲ - ۱۵:۵۳
Background image

د نیمروز په ګمرک کي د اورلګېدني مخه ونیول سوه!


د غبرګولي۱۲مه۱۴۰۴هـ.ل

د مالیې وزارت د ساتني او ځانګړو عملیاتو تنفیذي قطعې د نیمروز ګمرک ځیرکو کارکوونکو له خوا یوه عراده کانټینري بار وړونکي موټر ته، چي د برېښنا د شارټۍ له امله ئې. . .

BACK TO NEWS