د پلټني سپارښتنو د پلي کېدو د تعقیب په موخه له یو شمېر ادارو څخه لیدنه وسوه!
د غویي ۲۳مه ۱۴۰۴هـ.ل
د پلټني سپارښتنو د پلي کېدو د تعقیب په موخه د مالیې وزارت د کورنۍ پلټني لوی ریاست پلاوو د کابل ښار اړوند دوهمي، پنځمي، اتمي، نهمي، دوولسمي، څوارلسمي، پنځلسمي او اولسمي مالیاتي حوزو او د دې ولایت اړوند د قره باغ، کلکان، میربچه کوټ او شکردرې ولسوالیو د عوایدو مدیریتونو څخه لیدنه وکړه.
په دغه تعقیبي سفر کي د کورنۍ پلټني لوی ریاست پلاوو د یادو ادارو له مسئولینو سره ناستي وکړې او د (۱۴۰۳هـ.ل) کال د پلټنو په ترڅ کي د ورکړل سويو اصلاحي سپارښتنو د پلي کېدو ارزونه ئې وکړه. د کورنۍ پلټني لوی ریاست پلاوو د یادو ادارو له مسئولینو څخه وغوښتل، چي د پلټني د مؤثریت او چارو د سمون په موخه د پلټني سپارښتني په ټاکلې موده کي پلي او راپور ئې د کورنۍ پلټني لوی ریاست سره شریک کړي.
د یادولو ده، چي د کورنۍ پلټني لوی ریاست ژمن دئ؛ ترڅو د پلټونکو له لوري د پلټني چارو د اغېزمنتیا په موخه اړوندو ادارو ته د ورکړل سویو سپارښتنو پلي کېدل په منظمه او دوامداره توګه تعقیب او راپور ئې د وزارت له مقام سره شریک کړي.
