د چارو د لا همغږۍ په موخه د اداري معینیت د رهبرۍ ناسته وسوه!
د چنګاښ ۳۱مه ۱۴۰۴هـ.ل
د مالیې وزارت د اداري معین مولوي دوست محمد مخلص په مشرۍ او د اړوندو رئیسانو په ګډون د رهبرۍ ناسته د یاد معینیت د غونډو په تالار کي وسوه.
په دغه ناسته کي د وزارت مرکزي او ولایتي برخو د معتمدینو د تضمین او معاش، د اړیکو او معلوماتي ټکنالوژۍ ریاست ته د پروژو د نیازمندۍ وړاندي کولو او مشخصاتو د غوښتني، له تخنیکي ریاستونو پرته نورو ریاستونو ته د سافټوېر ډیويلپر د ورکړي پر څرنګوالي، د کارکوونکو د ظرفیت لوړوني په موخه د آی ټي تخنیکی کورسونو د جوړولو، په وزارت کي دننه د امتحاناتو د کمېټې پر جوړولو او په پاکستان هیواد کي د امارتي املاکو لوی ریاست اړوند د افغان بلډينګ ودانۍ په تړاو هر اړخیز بحث او یو شمېر اړیني پرېکړي وسوې.
هېره دي نه وي، چي د مالیې وزارت اداري معینیت د رهبرۍ ناستي د چارو د لا مثبت اغېز او بدلون په موخه ترسره کېږي، چي دغه لړۍ به په راتلونکي کي هم دوام ومومي.
