د ډنډ پټان په ګمرک کي د (۸،۳) میلیونو افغانیو په ارزښت د رغنیزو چارو پروژه پیل سوه!
د مالیې وزارت د ګمرکونو لوی رئیس الحاج مفتي عبدالمتین سعید، پکتیا ولایت ته د خپل رسمي سفر په ترڅ کي، د یاد ولایت د ډنډپټان په ګمرک کي د (۸،۳) میلیونه افغانیو په ارزښت د جومات جوړولو پروژې پرانیستنه وکړه.
یاد جومات په معیاري بڼه د ټولو اړینو امکاناتو په درلودلو سره، په دوو پوړونو کي جوړېږي او په یوه وخت کي به د (۵۲۰) لمونځ کوونکو ظرفیت ولري.
د دغي پروژې لګښت د مالیې وزارت له پراختیایي بودیجې څخه ورکول کېږي او د پروژې چاري هم د یوه افغاني شرکت له لوري مخته وړل کېږي، چي په (۸) میاشتو کي به بشپړي سي.
