د کسب کارانو او هتۍ والو د ملاتړ په خاطر مشورتي غونډه ترسره سوه
د مالیې وزارت له لوري د کسب کارانو او د دوکاندارانو څخه د ملاتړ په پار مشورتي غونډه د مالیې وزارت په خیبر هال (صالون) کي ترسره سوه.
په دغه غونډه کي، چې د قرآن عظیم الشان د سپېڅلیو ایاتونو په تلاوت پیل سوه، د ګمرکونو او عوایدو معین الحاج ملا محمد ناصر اخند، د عوایدو لوی رئیس معراج محمد معراج، د کسب کارانو او هټۍ والو د خونې رئیس نورالحق عمري او یو شمېر کسب کارانو او دوکاندارانو ګډون کړی وو.
په دغه مشورتي غونډه کي د عوایدو د راټولولو په برخه کي د یو منظم سیستم پر جوړولو او د غیر رسمي اقتصاد څخه رسمي اقتصاد ته په راګرځېدلو هر اړخیز بحث وسو او همدا راز د کسب کارانو ستونزي، نظرونه او وړاندیزونه واورېدل سول او د حل پر لارو چارو خبري وسوې.
د یادونې وړ ده، چي کسب کارانو او هټۍ والو د مالیاتو د راټولو په برخه کي له اسلامي امارت سره د پوره همکارۍ ژمنه وکړه او غونډه د دعا په ویلو سره پای ته ورسېده.
