د کندهار او زابل په مستوفیتونو کي د لمریزي برېښنا شبکې فعاله سوې!

syllab_admin
سه‌شنبه ۱۴۰۳/۱/۱۴ - ۱۵:۳
.................



د کندهار او زابل ولایتونو په مستوفیتونو کي د (۳۵) او (۲۶) کیلو واټه وړتیا په لرلو سره د لمریزي برېښنا شبکې فعاله او د ګټي اخیستني وړ سوې.
د دغو دواړو ولایتونو په مستوفیتونو کي د لمریزي برېښنا پر شبکو باندي په ترتیب سره د کندهار ولایت پر برېښنایي شبکه (۲۶۱۳۸۳۴،۱۹۳) افغانۍ او همدارنګه د زابل ولایت د برېښنا پر شبکه (۲۵۴۷۴۳۱،۱۲۱) افغانۍ لګښت راغلی، چي د دواړو برېښنایي شبکو لګښتونه د مالیې وزارت له پراختیایي بودیجې څخه ورکول کېږي.
د کندهار ولایت مستوفي مولوي سید نوراحمد سعید د دغي پروژې په اړه وویل، چي د کندهار د لمریزي برېښنا دغه شبکه د مالیې وزارت په هڅو او مالي ملاتړ پلې سوې ده، چي د (۳۵) کیلو واټه برېښنا د تولید وړتیا لري او د کندهار مستوفیت به ګټه ورڅخه اخلي، د مراجعینو په کارونو کي به اسانتیا رامنځته کړي او د برېښنا ستونزه به د تل لپاره حل سي.
د مالیې وزارت په استازیتوب، د دغه وزارت د قراردادونو د تسهیل آمر محمد موسی حماد د یادي پروژې د پرانیستني پر مهال وویل، د مالیې وزارت هڅه کوي، چي په ټولو مستوفیتونو کي د کارونو د پرمختګ او منظموالي په موخه دغسي برېښنايي پروژې تطبیق کړي.
د یادوني وړده، چي د مالیې وزارت هڅه کوي، چي د ټولو ولایتونو مستوفیتونه او ګمرکونه عصري، برېښنایي او په اوسنۍ ټکنالوژي سمبال کړي؛ ترڅو وکولای سي د سیمي او نړۍ له سیسټمونو سره سیالي وکړای سي.

وروستی خبرتیاوينور دلته

یکشنبه ۱۴۰۲/۱۱/۸ - ۱۵:۵۹
Background image

د مالياتي محاسبينو د اتمي دورې د ازمويني لپاره د نومليکني خبرتیا!


د عوایدو لوی ریاست اړوند د حقوقي خدمتونو او پالیسۍ ریاست په پلان کي لري، چي د اتمي دورې د مالیاتي محاسبینو ازمویني لپاره له (08/11/1402 تر 08/12/1402) نېټې پوري نوم لیکنه ترسره کړي. له . . .

تازه خبرونه

سه‌شنبه ۱۴۰۳/۱/۲۸ - ۱۳:۵۵
Background image

‏ د عوایدو لوی ریاست له لوري د هیواد په ۳۴ ولایتونو کي د عامه پوهاوي بنرونه نصب سول!

په یو معتدل نظام کي د ټولو مهمو چارو په تړاو ولس ته حساب او وضاحت ورکول یو منل سوی اصل ګڼل کېږي، چي د همدې اصل پر بنسټ مالیې وزارت هم ولس ته د خپلو چارو د پوهاوي او حساب ورکولو په برخه. . .

دوشنبه ۱۴۰۳/۱/۲۷ - ۱۵:۴۰
Background image

د ګمرکونو لوی رئیس د کندهار، نیمروز او فراه ولایتونو د ګمرکونو له رئیسانو سره وکتل!

 

 د کوچني اختر د رختصیو له پای ته رسېدو سره هم مهاله، د ګمرکونو لوی رئیس الحاج مفتي عبدالمتین سعید د یوه پلاوي په مشرۍ کندهار ولایت ته د رسمي سفر په ترڅ کي د کندهار، نیمروز او فراه. . .

دوشنبه ۱۴۰۳/۱/۲۰ - ۱۳:۲۰
Background image

د ماليې وزارت د گمرکونو او عوایدو معین د سمنگان او جوزجان ولایتونو له مستوفیتونو څخه لیدنه وکړه!



د گمرکونو او عوایدو معینیت معین ښاغلي ملا عبدالقاهر (حاجي ادریس) سمنگان او جوزجان ولایتونو ته د خپل رسمي سفر په ترڅ کي د دغو ولایتونو له مستوفیتونو څخه لیدنه وکړه .
په دغو لیدنو کي، چي. . .

BACK TO NEWS