د کورنۍ پلټني لوی رئيس او ورسره مل پلاوي بامیان ولایت ته سفر وکړ!
د مالیې وزارت د کورنۍ پلټني لوی رئيس انجنیر عبداللطیف خالد او ورسره مل پلاوي د چارو د ارزوني او د پلټني سپارښتنو د تطبیق د تعقیب په موخه بامیانو ولایت ته رسمي سفر وکړ.
د کورنۍ پلټني لوی ریاست پلاوي د دغه سفر په لړ کي د بامیانو ولایت له مستوفیت او همدارنګه د دغي ادارې له اړوندو دفترونو څخه په جلا توګه لیدنه وکړه او هم ئې د یاد ولایت له مستوفي سره ئې پر اړوندو موضوعاتو بحث وکړ.
د کورنۍ پلټني لوی رئیس د یوې غونډي په ترڅ کي د مستوفیت کارکوونکو ته د پلټني پر اهمیت خبري وکړې او ټینګار ئې وکړ، چي د پلټونکو له لوري ورکړل سوي اصلاحي سپارښتني پر ټاکلي وخت تطبیق او راپور ئې له دغه ریاست سره شریک کړي.
ورپسې د کورنۍ پلټني پلاوي په نمونوي ډول ځیني دوسیې وکتلې او په تړاو ئې له کارکوونکو سره تخنیکي سلا مشورې شریکي کړې.
په پای کي د کورنۍ پلټني لوی رئیس د یاد مستوفیت د مسؤلینو او کارکوونکو ستونزي او غوښتني واورېدې او ژمنه ئې وکړه، چي د حل په موخه به ئې د وزارت له مشرتابه سره شریکي کړي.
