د کورنۍ پلټني لوی رئیس د فرمانونو او حکمونو د تعقیب او نظارت لوی ریاست په مشورتي ناسته کي ګډون وکړ!
د تلي ۱۹مه ۱۴۰۴هـ.ل
د مالیې وزارت د کورنۍ پلټني لوی رئیس الحاج ملا عبدالهادي ابرار د فرمانونو او حکمونو د تعقیب او نظارت لوی ریاست په مشورتي ناسته کي ګډون وکړ.
دغه ناسته، چي د فرمانونو او حکمونو د تعقیب او نظارت لوی ریاست د پلټني مرستیالۍ په نوښت د اړوندو وزارتونو او ادارو د کورنۍ پلټني ریاستونو ترمنځ د غوره همغږۍ، کاري اغېزمنتیا او همکارۍ رامنځته کولو په موخه د پلټني مرستیالۍ په تعمیر کي دایره سوې وه، د یو لړ دوه اړخیزو موضوعاتو پر بحث سربېره په نظام کي د پلټني د اهمیت او ارزښت په اړه هم خبري پکښې وسوې.
د فرمانونو او حکمونو د تعقیب او نظارت لوی ریاست د پلټني مرستیال مولوي محمد محسن هاشمي د ناستي ګډونوالو ته د ښه راغلاست ترڅنګ د نظام په کچه د روڼتیا د تامین او د اداري فساد د مخنیوي په موخه د نظارتي ادارو ترمنځ په همغږۍ، تجربو شریکولو، مسلکي او کاري همکاریو پر رامنځته کولو ټینګار وکړ.
همدارنګه د مالیې وزارت د کورنۍ پلټني لوی رئیس الحاج ملا عبدالهادي ابرار د خپلو خبرو په ترڅ کي د دا ډول مشورتي ناستو په جوړېدو خوښي څرګنده کړه او د یادو ادارو ترمنځ ئې د همغږۍ او همکارۍ د مثبتو پایلو په اړه خبري وکړې او د مالیې وزارت د کورنۍ پلټني لوی ریاست له لوري ئې د هر راز همکارۍ ډاډ ورکړ.
