د ګمرکونو او عوایدو معین د کاپیسا او پروان ولایتونو د مستوفیتونو چاري و ارزولې!
د مالیې وزارت د ګمرکونو او عوایدو معین الحاج مفتي عبدالمتین سعید د خپلو ولایتي سفرونو په لړ کي دا ځل کاپیسا او پروان ولایتونو ته رسمي سفر وکړ او هلته ئې د یادو ولایتونو د مستوفیتونو د چارو ارزونه وکړه او کاري بهیر ئې له نږدې ولید.
نوموړي په دې لیدنه کي د یادو مستوفیتونو مسؤلینو ته په پوره صداقت او ایماندارۍ سره د اړوندو چارو د ترسره کولو، پر وخت سره د مراجعینو ستونزو ته د رسېدو او له هغوی سره د نېک چلند، په چارو کي د لازمي همغږۍ او همکارۍ رامنځته کولو او یو شمېر نورو برخو کي لازمي سپارښتني وکړې.
د یادولو ده، چي د ګمرکونو او عوایدو معین بېلابېلو ولایتونو ته سفرونه کوي؛ څو د یاد معینیت د اړوندو ادارو له چارو څخه د لیدني ترڅنګ د هیوادوالو ستونزي هم له نږدې واوري او پر ټاکلي وخت رسېدنه ورته وکړي.
