د ګمرکونو او عوایدو معین نیمروز او فراه ولایتونو ته سفر وکړ!
د وري ۲۳مه ۱۴۰۴هـ.ل
د مالیې وزارت د ګمرکونو او عوایدو معین الحاج مفتي عبدالمتین سعید د خپلو ولایتي سفرونو په ترڅ کي دا ځل نیمروز او فراه ولایتونو ته سفر وکړ او هلته ئې د یادو ولایتونو د مستوفیت او ګمرک څخه پر لیدني سربېره د فراه ولایت له والي او په دغه ولایت کي د نفتي موادو د کیفیت او څارني ریاست له مسئولینو سره هم ولیدل.
ښاغلي سعید همداراز د نیمروز ولایت له کمیسارۍ څخه هم لیدنه وکړه او د یادو ولایتي برخو مسئولینو ته ئې په پوره صداقت او ایماندارۍ سره د اړوندو چارو د ترسره کولو، پر وخت سره د مراجعینو ستونزو ته د رسېدو او له هغوی سره د نېک چلند، په چارو کي د اړیني همغږۍ رامنځته کولو او یو شمېر نورو اړوندو موضوعاتو په تړاو لازمي سپارښتني وکړې.
ښاغلي سعید د ولایتي مسئولینو ستونزي هم واورېدې او ورته د اصولي رسېدني ډاډ ئې ورکړ.
د یادولو ده، چي د ګمرکونو او عوایدو معین بېلابېلو ولایتونو ته سفرونه کوي؛ ترڅو د یاد معینیت د اړوندو ادارو له چارو څخه د لیدني تر څنګ د هيوادوالو ستونزي هم له نږدې واوري او پر ټاکلي وخت رسېدنه ورته وکړي.
