د ګمرکونو لوی ریاست خبرتیا
په دې وروستیو کي د ګمرکونو لوی ریاست له ادرس څخه په ټولنیزو پاڼو کي د ترانزیټي او ري ایکسپورټ اموالو یو لیست لاس په لاس کیږي، د ګمرکونو لوی ریاست یاد لیست جعلي او له حقیقت څخه لري بولي.
ټول هغه ترانزیټي محمولې چي د ګمرکونو لوی ریاست اړوند تقنیني سندونو سره سم ترانزیټي سندونه ولري، کولای سي د افغانستان له خاوري څخه تګ او راتګ وکړي.
د یادونې وړ ده چي د ا.ا.ا له فتحي څخه وروسته د ترانزیټي اموالو لپاره زیاتي اسانتیاوي برابري سوي دي او د ګمرکونو لوی ریاست په دې هڅه کي دئ، چي د یادو اموالو لپاره په ګمرکونو کي لا نوري اسانتیاوي هم برابري کړي.
