د ګمرکونو لوی ریاست په اداري ناسته کي پر یو شمېر مهمو موضوعاتو بحث وسو!
د غويي ۲۲مه ۱۴۰۴هـ.ل
د مالیې وزارت د ګمرکونو لوی ریاست د (۱۴۰۴هـ.ل) کال دوهمه اداري ناسته د ګمرکونو لوی رئیس الحاج مولوي محمد حامد احمد په مشرۍ د یاد ریاست په مقام کي وسوه.
په دې ناسته کي د ګمرکونو لوی ریاست تخنیکي او عملیاتي مرستیالانو، رئیسانو او یو شمېر آمرینو ګډون کړی وو.
ګډونوالو د هیواد په ګمرکونو کي د پراختیایي او تجهیزاتي پروژو د پلي کېدو پر څرنګوالي، د صادراتي، وارداتي او ټرانزيټي توکو په ګمرکي طی مراحلو کي پر سته ستونزو او حل لارو، په ګمرکونو کي د یو شمېر سوداګریزو شرکتونو او صنعتکارانو د غوښتنو او د ستونزو پر حلولو، د ورځنیو چارو په لا ښه کولو او یو شمېر نورو موضوعاتو په اړه خبري وکړې او په تړاو ئې ځیني پرېکړي هم وسوې.
همدارنګه په دې ناسته کي په ولایتي ګمرکونو کي د خطر د کمېټو د پرېکړو راپور هم وړاندي سو او د چارو د لا ښه والي په موخه سلا مشورې سره شریکي سوې.
