د ۱۳۹۹ مالي کال بودیجې مسوده د کابینې د ناستې په پرنسیپ کې تائید شوه
مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د لړم میاشتې په ۲۲ نېټه د ۱۳۹۹ مالي کال ملي بودیجې مسوده کابینې ته وړاندي کړه. کابینې له سلا او مشورو وروسته د یادې بودیجې مسوده په پرنسیب کې تائید کړه.
د کابینې ناستې د مالیې وزارت ته دنده وسپارله، چې د بودیجې مسوده د وزارتونو او دولتي ادارو د اړینو پراختیایي پروژو لومړیتوب په پام کې نیولو سره، له هغوی سره په سلا مسوده یو ځل بیا تر غور لاندي ونیسي.
د اساسي قانون (۹۸) او د عامه مالي چارو اولګښتونو قانون ادارې (۳۹) مادې پربنسټ، ملي بودیجه به له وروستي کېدو او د کابینې له تائید وروسته به مشرانو جرګې ته تسلیم شي.
