له بودیجوي واحدونو سره د ۱۴۰۳ مالي کال د ملي عوایدو استماعیه ناستي پای ته ورسېدې!
د ماليې وزارت له لوري د رڼو ملي عوایدو راټولولو، د عوایدي سرچینو د ښه مدیریت او په را روان (۱۴۰۳هـ.ل) مالي کال کي د ادارو لپاره د عوایدي هدف ټاکلو په موخه، له بودیجوي واحدونو سره د ملي عوایدو استماعیه ناستي پای ته ورسېدې.
د یادو غونډو وروستۍ ناسته، چي د مالیې وزارت د پالیسۍ معین انجنير سلطان محمد زبیر په مشرۍ ترسره سوه؛ په لړ کي ئې د بودیجوي واحدونو استازو د روان مالي کال لپاره د عوایدي هدف د وضعیت په تړاو معلومات وړاندي کړل او ورپسې په را روان (۱۴۰۳هـ.ل) مالي کال کي په فرصتونو، عایداتي سرچینو او د عوایدي هدف پر څرنګوالي بحث وسو او د غوره عوایدو د ترلاسه کولو په موخه د یادو بودیجوي واحدونو له استازو سره اړیني سپارښتني شریکي سوې.
د مالیې وزارت د پالیسۍ معین، په را روان مالي کال کي د بودیجوي واحدونو د ستونزو د حل او ملي عایداتي پروژو د ټاکلو په برخه کي ډاډ ورکړ او ټینګار ئې وکړ، چي د بې ځایه لګښتونو د مخنیوي او د ملي عوایدو د ارزښمند مدیریت په موخه به اړین اقدامات ترسره کوي.
