په تېرو دو اوونیو کې د ملي عوایدو راټولیدو وضعیت او د ملي بودیجې لګښت
د ۱۳۹۹ مالي کال د وږې میاشتې له لومړۍ نه تر ۱۳مې نېټې پورې ۵ میلیارده ۸۳۷ میلیونه افغانۍ ملي عواید راټول شوي دي. چې له دې جملې ۳۵۸ میلیونه له مستوفیتونو، ۹۶۷ میلیونه له مالیاتي عوایدو، ۱ میلیارده ۹۸ میلیونه له غیر مالیاتي عوایدو او ۳ میلیارده ۴۱۴ میلیونه له ګمرکونو څخه تر لاسه شوي دي. د روان مالي کال له پیل څخه تر اوسه پورې ۱۱۰ میلیارده ۴۳۲ میلیونه افغانۍ ملي عواید راټول شوي دي.
همداشان د ۱۳۹۹ مالي کال له پیل نه د وږې میاشتې تر ۱۵ نېټې پورې ۶۸ میلیارده ۸۳۰ میلیونه افغانۍ (۴۲٪) پراختیایې بودیجه او ۱۷۳ میلیارده افغانۍ (۵۷٪) عادي بودیجه لګول شوی ده چې په ټوله کې د ملي بودیجې ۲۴۱ میلیارده ۸۳۹ میلیونه افغانۍ (۵۱٪) جوړوي.
