د افغانستان حکومت اواروپایي ټولنې ترمنځ د دولت جوړونې قرارداد تخنیکي کمېټې شپاړسمه ناسته وشوه
شانزدهمین نشست کمیتۀ تخنیکی قرارداد دولت سازی (SRBC)
د مالیې وزارت د څارنې، تحلیل او راپور ورکونې لوی رئیس ښاغلي محمد ناصر صدیقي؛ او د افغانستان لپاره د اروپایي ټولنې د مرستو استازي ښاغلي ډېویډ بیرتون، په مشرۍ د لړم میاشتې په ۱۶ مه نېټه د افغانستان حکومت او اروپایي ټولنې ترمنځ د دولت جوړونې قرارداد تخنیکي کمېټې شپاړسمه ناسته په مالیه وزارت کې وشوه.
په دې ناسته کې چې د بېلابېلو ادارو مسؤلینو او استازو ګډون کړی وو، د دولت جوړونې د شاخصونو په پرمختګ، شته ستونزو په بررسۍ، د کار قانون او پالیسۍ نهایي کول، د کانونو او په ولایتونو کې د کانونو رسمي استخراج او فعالیت لپاره د شفاف قانوني چوکاټ جوړولو، د کانونو غیر قانوني استخراج مخنیوي او په قانوني بڼه د کانونو د استخراج ملاتړ، د کانونو په سکټور کې اصلاحاتو، د ولسي تړون له لارې د پروژو پلي کولو، کلیو ته د خدمتونو وړاندي کولو او نورو مسایلو په تړاو خبرې او د نظر څرګندونې وشوې.
پرېکړه وشوه، څو د افغانستان حکومت او اروپایي ټولنه هڅه وکړي، چې د روان کال تر پایه ټولې شاخص شوې ژمنې بشپړي کړي.
