د افغانستان اسلامي امارت د اقتصادي کمیسیون ناسته ترسره سوه
د ریاست الوزراء د لومړي مرستیال ملا عبدالغني برادر اخوند په مشرۍ د اقتصادي کمېسیون ناسته ترسره سوه.
په دې ناسته کي چي د مالیي وزارت مسؤلینو هم ګدون درلود، د مالیې وزارت اړوند پرېکړي وسوې: «چي د مکروریانو د مراقبت او ساتني دولتي شرکت» دي د اونکس شرکت اړوند د عزیزي پلازا ودانۍ او B1 او B2 مکروریانو د کانالیزاسیون لګښت چي في مترمربع لس افغانۍ دئ، له دې وروسته شپږ افغانۍ واخلي. همداراز د یاد کمېسیون لخوا د زابل ولایت په شملزو ولسوالۍ کي له پاکستان سره پر پوله د ګډ ګمرک جوړولو موضوع د ښارجوړوني وزارت ته وسپارل سوه، څو یې په اړه هر اړخیزه څېړنه ترسره او راپور یې اقتصادي کمېسیون ته وړاندي کړي.
یاد کمېسیون همدارنګه پرېکړه وکړه چې د کابل ترافیکو ریاست عواید چي مخکي د کابل ښاروالۍ بودیجې ته جمع کېدل بېرته د کورنیو چارو وزارت عوایدو ته جمع او که کابل ښاروالي د بودیجې له کسر سره مخ سي، د یاد کمېسیون د هدایت پر اساس به مالیې وزارت ورته بودیجه ځانګړې کوي».
