د کورنۍ پلټني لوی رئیس فراه او نیمروز ولایتونو ته سفر وکړ
د ولایتي سفرونو په لړ کي، د مالیې وزارت د کورنۍ پلټنې لوی رئیس انجنیر عبداللطیف خالد، په مشرۍ یوه پلاوي د چارو د ارزوني په موخه د فراه او نیمروز ولایتونو له ګمرکونو، مستوفیتونو او د دغو ادارو له اړونده دفترونو څخه لیدنه وکړه.
ښاغلي خالد د یادو ادارو له مسؤلینو او کارکوونکو سره په خبرو کې د پلټني پر اهمیت او ارزښت ټینګار وکړ، د تېرو پلټنو په لړکي د پلټونکو لخوا د ورکړل سوو سپارښتنو د تطبیق پوښتنه یې وکړه او له مسؤلینو یې وغوښتل چې د چارو د اصلاح او سمون په موخه د پلټني سپارښتني په خپله ټاکلې موده کي تطبیق او راپور یې له مرکز سره شریک کړي.
د کورنۍ پلټني لوی رئیس د دغو ادارو د کارکوونکو ستونزي او غوښتني واورېدې او ژمنه یې وکړه چې د حل په موخه به یې د مالیې وزارت له مشرتابه سره به يې شریکي کړي.
