د بي اسنادو (یوکلي) موټرو د ثبت او محصول پروسه د هیواد په ټولو ګمرکونو کي په چتکۍ سره روانه ده
د بې اسنادو افغانستان لاس موتړو د ثبت او محصول کړنلاره چي د مالیې وزارت د ګمرکونو لوی ریاست په وړاندیز او د افغانستان اسلامي امارت اقتصادي کمېسیون له لوري تائید سوې اوسمهال د هیواد په ټولو ګمرکونو کي په چټکۍ او شفافه توګه روانه ده.
د روان ۱۴۰۱ مالي کال د لیندۍ میاشتي تر ۱۵مې نېټې پوري د هیواد په ټولو ګمرکونو کي ۱۷۲۴ بې اسناده د افغانستان لاس موټر محصول سوي دي، چي له دې درکه ۱۰۳ میلیونه افغانۍ عواید راټول او دولت خزانې ته سپارل سوي دي.
د بې اسنادو افغانستان لاس موټرو د ثبت او محصول پروسه چي د روان ۱۴۴۴ل کال د ۸ میاشتي تر ۱۸ نېټې به د هیواد په ټولو ګمرکونو کي دوام ولري، د ګمرکونو لوی ریاست د یادو موټرو له هغو مالکینو څخه په درنښت هیله کوي، چي تر اوسه یې خپل موټر نه وي محصول کړي له دې فرصت څخه په ګټه اخیستو او ژر تر ژره خپل موټر محصول او قانوني سندونه ورته واخلي.
د یادوني وړ ده چي په یاده پروسه کي د بې اسنادو موټرو د محصول لپاره د ا.ا.ا له لوري د پام وړ تخفیف په نظر کي نیول سوې او په پای ته رسېدو سره بیا د تمدید وړ نه ده.
