د عوایدو لوی ریاست د رهبرۍ غړو د صنعت او سوداگرۍ وزارت له مسؤلینو سره وکتل
![خبر](/sites/default/files/2023-06/b2.jpg)
د عوایدو لوی ریاست د رهبرۍ غړو د صنعت او سوداگرۍ وزارت له مسؤلینو سره په یو شمېر مشترکو مسایلو خبري او د نظرونو تبادله وکړه.
په دې لیدنه کي د ماليې وزارت اړوند د عوایدو لوی ریاست عملیاتي مرستيال معراج محمد معراج، د عوایدو لوی ریاست تخنیکي مرستيال عبدالولي نوري، د عوايدو د سیسټم رئیس محمد جلال احمدزي، د غیر مالیاتي عوايدو رئیس امان الله امین او د صنعت او سوداگرۍ وزارت اړوند د نړيوالي سوداگرۍ لوی رئیس محمد زبیر دین پرور او ورسره مسؤلینو شتون درلود.
په دې لیدنه کي، د مشرتابه مقام عالي القدر اميرالمؤمنين حفظه الله د ۲۳/ ۱۰/ ۱۴۴۴ نېټې د (۳۷۵۸) گڼه حکم د تطبیق میکانېزم په اړه د گزارش وړاندي کولو، د سیسټمونو تړل کېدو، د سيسټمونو د معلوماتو سوچه والي (Data Clean-Up) راپور وړاندي کولو او د صنعتي پارکونو د پیسو د لېږد عملي پلان په تړاو خبري وسوې.
![خبر](/sites/default/files/inline-images/b1_8.jpg)
.د یادوني وړ ده، چي په راتلونکو ورځو کي مراجعینو ته د لا اسانتیا لپاره د سیسټم په برخه کي د یو لړ عملي چارو د پیل ژمنه وسوه