د ګمرکونو او عواید معین او د عوایدو لوی ریاست مشرتابه د کورنیو چارو وزارت له تأمیناتي معین سره وکتل
د مالیې وزارت د ګمرکونو او عوایدو معین الحاج مولوي عبدالقاهر ادریس، د مالیې وزارت د عوایدو لوی ریاست حمایوي مرستیال حافظ مولوي شاه حسین حسیني او د غیرمالیاتي عوایدو ریاست د یو شمېر مسؤلینو په حضور کي د کورنیو چارو وزارت تأمیناتي معین مولوي عبدالله مختار، د پاسپورټ لوی ریاست مرستیال شېرشاه قریشي او نورو مسؤلینو سره وکتل.
په دې کتنه کي د عوایدو د راټولولو پر وضعیت، د پاسپورټونو د ورکړي په برخه کي د عایداتي فرصتونو، د وسلو د لېږد جواز، د یو کیلي موټرو پر اسنادو او د کورنیو چارو وزارت د عوایدو د غوره والي په برخه کي د شته ستونزو د حل په اړه بحث او د نظرونو تبادله وسوه.
په پای کي د مالیې وزارت د ګمرکونو او عوایدو معین د ټولو امارتي ادارو د عوایدو د وضعیت د ښه والي په موخه د لا زیاتو اسانتیاوو د برابرولو لپاره چمتووالی اعلان کړ.
