د عوایدو مرکزي زون ریاست او مالیه ورکوونکو د خدمتونو ریاست د کارکوونکو لپاره روزنیز پروګرام پیل سو!
![.............](/sites/default/files/2024-04/0m1a4145.jpg)
د مالیې وزارت د عوایدو لوی ریاست اړوند د عوایدو مرکزي زون ریاست او مالیه ورکوونکو د خدمتونو ریاست کارکوونکو لپاره د ګمرکونو او عوایدو په ملي اکاډمۍ کي روزنیز پروګرام پیل سو.
د دې پروګرام په پرانیستنه کي د عوایدو لوی ریاست عملیاتي مرستیال حافظ خلیل احمد، د عوایدو د حقوقي خدمتونو او پالیسۍ ریاست رئیس مولوي نداء محمد صدیقي، د حقوقي خدمتونو او پالیسۍ ریاست د تهیه اسنادو آمر حافظ سید احمد هائد او د عوایدو لوی ریاست د اطلاعاتو او عامه پوهاوي آمر حبیب الله خبیب حضور درلود.
د عوایدو د حقوقي خدمتونو او پالیسۍ رئيس مولوي نداء محمد صدیقي د پروګرام ګډونوالو ته وویل، چي دغه ډول پروګرامونه ستاسو د وړتیا لوړولو لپاره چمتو کېږي؛ ترڅو تاسو د دې جوګه سئ، چي په مسلکي توګه خدمتونه وکړئ او د کار په مخ کي پراته خنډونه له منځه یوسئ او موږ په راتلونکي کي پلان لرو، چي اوږد مهاله روزنیز پروګرامونه هم چمتو کړو. نوموړي وویل، چي دغه زده کړه ستاسو مسؤلیت دئ، چي باید په ایماندارۍ ئې ترسره کړئ.
د یادوني وړ ده، چي په دې دوه اوونیز پروګرام کي به (۱۰۰) تنه کارکوونکي ګډون وکړي او د مالیاتي قوانینو، طرزالعملونو او محاسباتو په برخه کي به روزنه ترلاسه کړي.