د اسلام کلا په سرحدي ګمرک کي د (۷۴،۷) میلیونه افغانیو په ارزښت د هنګرونو جوړولو پروژه پیل سوه!
د مالیې وزارت د ګمرکونو او عوایدو معین الحاج مفتي عبدالمتین سعید د یوه د پلاوي په مشرۍ هرات ولایت ته د رسمي سفر په ترڅ کي د اسلام کلا په سرحدي ګمرک کي د (۷۴،۷) میلیونه افغانیو په ارزښت د څلور بابه هنګرونو د جوړولو پروژې پرانيسته وکړه.
د دې پروژې په پرانيستغونډه کي، چي ولایتي مسئولینو هم ګډون کړی وو، د ګمرکونو او عوایدو معین وویل، چي د مالیې وزارت تل هڅه کوي، چي سوداګرو ته لازمي اسانتیاوي برابري کړي؛ نو ځکه ئې په همدې موخه په ګمرکونو کي ګڼي پروژې پلي کړي دي او په راتلونکي مالي کال کي به نوري ګټوري پراختیایي پروژې هم پلي کړي.
د یادوني وړ ده، چي د یادي پروژې لګښت د مالیې وزارت له پراختیایي بودیجې څخه ورکول کېږي او چاري به ئې تر راتلونکو لسو میاشتو پوري بشپړي سي.
