تېره اوونۍ د هیواد په بېلابېلو ولایتونو کي په زیاته اندازه قاچاقي توکي نیول سوي دي!

د مالیې وزارت د ګمرکونو لوی ریاست د ګرځنده څارني کارکوونکو تېره اوونۍ د نیمروز، کندهار، فراه، هرات، ننګرهار او هلمند ولایتونو په بېلابېلو سېمو کي په زیاته اندازه قاچاقي توکي نیولي دي، چي قاچاق کوونکو غوښتل په پټه ئې افغانستان ته راوړي.
په نیول سويو توکو کي (۱۷۲۷۲) کیلو ګرامه خوراکي مالګه، (۱۰۹۴۶) کیلو ګرامه چاکلېټ، (۲۰۰۱۳) کیلو ګرامه کینو، (۴۲۸۰) کیلو ګرامه درمل، (۶۱۲۳) کیلو ګرامه ګوړه، (۴۸۹۶) کیلو ګرامه پاکټي کوچ، (۳۰۹۸) کیلو ګرامه شیريني باب، (۱۲۴۹) کیلو ګرامه رُب، (۳۹۲) کیلو ګرامه مکروني، (۹۸۴) کیلو ګرامه خام نخود، (۲۴۰) کیلو ګرامه یوناني بوټي، (۲۷۵) کیلو ګرامه شامپو، (۱۷۵) ګیلو ګرامه نوشابه باب، (۱۷۰) کیلو ګرامه د کبانو غوښه، (۶۱۵) کیلو ګرامه غوړي، (۷۸) کیلو ګرامه رخت باب، (۵۶) کیلو ګرامه طبي وسایل او (۱۰) عرادې موټر سایکلونه شامل دي.
نیول سوي توکي او تورن کسان د نورو اجراآتو له پاره اړوندو ګمرکونو ته سپارل سوي دي.