د لوړو زده کړو او مخابراتو او معلوماتي ټکنالوژۍ وزارتونو نوي سرپرست وزیران معرفي شول
د ولسمشرۍ عالي مقام د حکم مطابق او د اساسي قانون د ۱۳ فقرې حکم څلورشپېتمې مادې پر بنسټ، د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د غبرګولې میاشتې په ۶ مه نېټه ښاغلی عبدالتواب بالاکرزی، د لوړو زده کړو وزارت د سرپرست او ښاغلی محمد هاشم فهیمي، د مخابراتو او معلوماتي ټکنالوژۍ وزارت د سرپرست وزیر په توګه رسمآ د یادو وزارتونو کارکوونکو ته ورمعرفي کړل.
د مالیې وزارت سرپرست د یادو وزارتونو د مخکنیو وزیرانو ښاغلي نجیب الله خواجه عمري، او ښاغلي شهزادګل اریوبي، له کړنو او فعالیتونو مننه وکړه او نویو سرپرستانو ته یې په چارو کې د بریا غوښتنه وکړه.
