د اسلام کلا په سرحدي ګمرک کي د څه باندي (۸۵.۴) میلیونه افغانیو په ارزښت د درېیو پروژو چاري پیل سوې
د سلواغې ۱۶مه۱۴۰۴ هـ.ل
د مالیې وزارت د ګمرکونو لوی ریاست له لوري د هرات ولایت د اسلام کلا په سرحدي ګمرک کي د څه باندي (۸۵.۴) میلیونه افغانیو په ارزښت د درې بابه هنګرونو او د یاد ګمرک د احاطې دېوال د کټارو نصبولو پروژو رعنیزي چاري پیل سوې.
دغه نوي جوړېدونکي هنګرونه، چي هر یو ئې په یوه وخت د (۲۰) بار وړونکو موټرونو د تخلیې ظرفیت لري؛ په جوړېدو سره به ئې سوداګرو ته د سوداګریزو توکو د خوندي ساتلو په برخه کي زیاتي اسانتیاوي رامنځته سي. همداشان به د یاد ګمرک په (۸۶۰۰) متره د احاطې دیوال باندي د (۱۲۰) ساتني متره په لوړوالي سره کټارې هم ولګول سي.
د یادوني وړ ده، چي د مالیې وزارت له لوري د هیواد د ګمرکونو د عصري کولو او سوداګرو ته د لا ډېرو اسانتیاوو رامنځته کولو په موخه، په ګمرکونو کي ګڼي پراختیایي پروژې پلي کړي او ځیني ئې د پلي کېدو په حال کي دي.
