تېره اوونۍ د هیواد په بېلابېلو ولایتونو کي په زیاته اندازه قاچاقي توکي نیول سوي دي!
د مالیې وزارت د ګمرکونو لوی ریاست د ګرځنده څارني کارکوونکو تېره اوونۍ د فراه، نیمروز، کندهار او ننګرهار په ولایتونو کي په زیاته اندازه قاچاقي توکي نیولي دي، چي قاچاق کوونکو غوښتل په پټه ئې افغانستان ته راوړي.
په نیول سویو توکو کي (۲۹،۳) ټنه مالګه، (۵) ټنه د پیازو تخم، (۳۸۵۶) کیلو ګرامه نباتي غوړي، (۴۱۴۰) کیلو ګرامه چاکلېټ، (۲۴۳۸) کیلو ګرامه رُب، (۱۵۵۳) کیلو ګرامه سګرېټ، (۶۱۶) کیلو ګرامه مکروني، (۴۴۷) کیلو ګرامه د قیلون مواد، (۴۰) عدده چارجي قیلون، (۱۲۰) کیلو ګرامه د ویښتانو رنګ، (۴۶۵) کیلو ګرامه یوځل مصرف لوښي او (۲۰۰) کیلو ګرامه کریم شامل دي.
نیول سوي توکي او تورن کسان د نورو اجراآتو له پاره اړوندو ګمرکونو ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي دوامداره فعالیت کوي او هیچا ته اجازه نه ورکوي، چي ممنوعه او قاچاقي توکي ولېږدوي.
