د کورنۍ پلټني لوی ریاست پلاوي نیمروز ولایت ته سفر وکړ
د پلټني سپارښتنو د تطبیق تعقیب (Audit Follow-up) په موخه د مالیې وزارت د کورنۍ پلټني لوی ریاست اړوند د عوایدو او ګمرکونو پلټني رئيس ښاغلي محمد نادر همایون په مشرۍ یوه پلاوي نیمروز ولایت ته سفر وکړ. د سفر په ترڅ کي د کورنۍ پلټني لوی ریاست پلاوي د نیمروز ولایت ګمرک څخه لیدنه وکړه او د یاد ګمرک له مسؤلینو او کارکوونکو سره ئې له نږدې ولیدل.
د نیمروز ګمرک له مسؤلینو سره په خبرو کي ښاغلي همایون د پلټني د هدف، اهمیت او کاري بهیر په اړه خبري وکړې او د تېرو پلټنو په ترڅ کي د پلټونکو له لوري د ورکړل سوو اصلاحي سپارښتنو د تطبیق پوښتنه ئې وکړه. د سپارښتنو د ښه او پر وخت تطبیق په موخه د کورنۍ پلټني لوی ریاست پلاوي د نیمروز ګمرک له مسؤلینو سره لازمي مشورې شریکي کړې.
همدارنګه د کورنۍ پلټنې لوی ریاست پلاوي د نیمروز ګمرک د مسؤلینو ستونزي او غوښتني واورېدې او ژمنه ئې وکړه چي د وزارت له مشرتابه سره به ئې ډېر ژر شریکي کړي.
