تېره اوونۍ د هیواد په بېلابېلو ولایتونو کي په زیاته اندازه قاچاقي توکي نیول سوي دي!

د مالیې وزارت د ګمرکونو لوی ریاست د ګرځنده څارني کارکوونکو تېره اوونۍ د هرات، نیمروز، فراه، ننګرهار او کندهار ولایتونو په بېلابېلو سیمو کي په زیاته اندازه قاچاقي توکي نیولي دي، چي قاچاق کوونکو غوښتل په پټه ئې افغانستان ته راوړي.
په نیول سویو توکو کي (۱۰۲۴۰) کیلو ګرامه مالګه، (۲۲) ټنه د موټرونو رنګ، (۸۰۰۰) کیلو ګرامه تشي بوجۍ، (۸۵۰۰) کیلو ګرامه نخي تار، (۲۱۲۸) کیلو ګرامه نباتي غوړي، (۴۸۱۴) کیلو ګرامه چاکلېټ، (۴۰۴۰) کیلو ګرامه انساني درمل، (۲۱۵۹) کیلو ګرامه رُب، (‍۱۲۰۰) کیلو ګرامه حیواني درمل، (۱۸۱۵) کیلو ګرامه شامپو، (۸۵۰) کیلو ګرامه ککاو، (۲۰۰) کیلو ګرامه بیسکیټ، (۱۰۸) کیلو ګرامه وچي شیدې، (۲۰۰) کیلو ګرامه د قیلون مواد، (۱۴۰۰) کیلو ګرامه لواشک، (۲۲۰) کیلو ګرامه د لوښو وینځلو ماېع او (۱۳) کیلو ګرامه پروټین شامل دي.
یاد نیول سوي توکي او تورن کسان د نورو اجراآتو لپاره اړوندو ګمرکونو ته سپارل سوي دي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي دوامداره فعالیت کوي او هیچا ته اجازه نه ور کوي، چي ممنوعه او قاچاقي توکي ولېږدوي.