د ماليې وزیر الحاج ملا محمد ناصر اخوند ژوند لیک!
د مالیې وزارت برحال وزیر ملا محمد ناصر اخوند (حفظه الله) د بهادر خان زوی او د لعل محمد لمسی په (۱۳۵۳ هــ.ل) کال د غزني ولایت د ناوې ولسوالۍ (فیضو) کلا په يوه ديندوسته او جهاد دوسته کورنۍ کي زېږېدلی دئ.
تحصیلات:
ملا محمد ناصر اخوند خپلي دیني زده کړي د خپل کلي (فیضو کلا) د مسجد له حجرې څخه راپيل کړي او د غزني ولایت په بېلا بېلو مدرسو کي ئې خپلو لومړنیو زده کړو ته دوام ورکړی، تر هغه وروسته د نورو زده کړو د دوام له پاره ګاونډي هیواد ته لاړ او د بلوچستان ایالت په بېلابېلو مدرسو کي ئې د درېیو کالو له پاره خپلو زده کړو ته دوام ورکړ او بیا ئې د پېښور په مختلفو مدرسو کي خپلي زده کړي وکړې .
څه موده وروسته د اسلامي امارت تحریک پاڅون پیلېږي او حاجي ملا صاحب د خپل دیني او ملي مسئولیت د ترسره کولو له پاره د تحریک له لیکو سره یوځای کېږي، چي وظیفوي چاري د دې سبب ګرځي، چي د درسونو لړۍ ئې را محدوده سي.
ژبي:
ښاغلی ملا محمد ناصر اخوند په خپلو ملي ژبو رواني خبري کوي او په عربي ژبه مطالعه کولای سي.
دندې:
- د کابل تر نیولو وروسته د رئیس الوزراء ملا محمد رباني اخوند په هدایت د کابل ولایت د شپږمي امنیتي حوزې د مسئول په حیث ټاکل کېږي.
- د امیرالمؤمنین ملا محمد عمر مجاهد په امر د هرات ولایت د شینډنډ ولسوالۍ د (۷) سرحدي لېوا د مسئول په حیث؛
- د امریکایانو تر یرغل وروسته د غزني ولایت د مسئول په حیث او ورسره د غربي حوزې نظامي کمېسیون د مسئول په توګه.
- لس کاله د ختیځ زون نظامي کمېسیون د معاون په حیث؛
- دوه کاله د پکتیا د والي په توګه.
- دوه کاله د پکتیکا د والي په توګه.
- یو کال د ننګرهار د والي په توګه
- د اقتصادي او مالي چارو کمېسیون د مرستیال په توګه؛
- د اسلامي امارت له بیاځلي واکمنېدو سره سم حاجي ملا صاحب د امیر المؤمنین (حفظه الله) د حکم پر اساس د مالیې وزارت د ګمرکونو او عوایدو معین په توګه وګومارل سو. هغه وکولای سول، چي د عوایدو او ګمرکونو معینیت په ښه توګه اداره کړي، ټول سیسټمونه فعال وساتي او وړ کسان په دندو وګوماري.
او بالاخره د عالیقدر امیرالمؤمنین (حفظه الله) د حکم پر بنسټ د (۱۴۴۴هـ.ق) کال ذوالقعدې په میاشت کي د مالیې وزارت د سرپرست وزیر په توګه وګومارل سو.
ژوند او عادات
ملا محمد ناصر اخوند شریعت د خپلو کارونو معیار ټاکلی، هره فیصله او موضوع چي ورته مخته راځي د هغه پرېکړه د شریعت په رڼا کي کوي، له خلکو سره ناسته پاسته ئې د تقوی، پرهېزګارۍ، اخلاقو، رښتینولۍ، صداقت، ساده توب او د اسلامي ورورولۍ پر بنسټ ده.
ملا محمد ناصر اخوند د خورا لوی عزم څښتن دئ، په هرکار کي پرېکنده عمل کوي، د قومي، منطقوي، ژبني او سيمه ييز تعصب څخه پاک دئ، دوستي او دښمني ئې پر شخصي تعصب نه؛ بلکي د خدای جل جلاله د دین او شریعت پر بنیاد ده.
جهادي کارنامې
- د جهاد په لیکو کي ثبات او استقامت او د اشغال تر پای ته رسېدو او د اسلامي نظام تر تأسیس پوري د مبارزې دوام.
- د اشغالګرو اسیرول او هغوی اړ ایستل ترڅو له اسلامي امارت سره تعامل وکړي او د بندیانو تبادله ومني.
- په شمالي او شمال ختیځو ولایتونو کي د اقتصادي کمېسیون مشري کول او د جهادي عملیاتو د پرمخ بیولو له پاره د عوایدو راټولول.
آثار
۱ـ سل تحفې؛ دیني معلومات، لومړی ټوک (چاپ)؛
۲ـ سل تحفې (د اسماء الحسنی ځانګړني) دوهم ټوک (چاپ)؛
۳ـ سل تحفې (دیني معلومات) درېیم ټوک (چاپ)؛
اعلامیه هاهمه اعلامیه ها
اطلاعیه ریاست عمومی گمرکات به شرکت های تجارتی و فابریکات صنعتی
بر بنیاد حکم رهبری امارت اسلامی افغانستان تمام شرکت ها مکلف اند تا اموال تجارتی خویش در گمرکات توسط نماینده رسمی طی مراحل نمایند. همچنان بر اساس همین حکم یک نفر میتواند که نماینده سه . . .
اطلاعیه شرکت دولتی نفت و گاز افغانستان در رابطه به شارت لیست متقاضیان ۱۳۳ بست
شرکت دولتی نفت و گاز افغانستان مربوط وزارت مالیه، قبلاً به تعداد (۱۳۳) بست های مختلف خویش را جهت جذب و استخدام افراد مسلکی و مجرب از طریق