د مالیې وزارت د مرکزي ریاستونو کارکوونکو لپاره د مدیریت د اساساتو روزنیز پروگرام جوړ سو!
د مالیې وزارت د بشري سرچینو ریاست د دغه وزارت د مرکزي ریاستونو کارکوونکو ته د مدیریت د اساساتو په تړاو روزنیز پروگرام جوړ کړ.
په دغه ناسته کي، چي په همدې موخه خیبر د غونډو په سالون کې جوړه سوې وه، د بشري سرچینو رئيس مولوي احمدشاه شاکر، د دعوت او ارشاد رياست مدرس شيخ الحديث مولوي محمد مبين اميني او د دغه وزارت يو شمېر نورو مسئولينو برخه اخيستي وه.
د بشري سرچینو رئیس د دغه پروگرام په پرانیستي وینا کي وویل، چي دغه روزنیز پروگرام ستاسي د وړتیا لوړولو په موخه جوړ سوی دئ، ترڅو د بست له تقاضا او لایحو سره سم خپلې دندې پرمخ یوسئ؛ نو له دغه پروگرام څخه پوره گټه پورته او هغه ستونزي او وېري، چې د دندې پر مهال ورسره مخ کېږئ، له دې لاري حل کړئ.
د دعوت او ارشاد رياست مدرس وويل، چي دا ډول پروگرامونه په ریښتیا هم د اسلامي نظام لپاره د ارزښت وړ دي، ځکه، چي په فکر جوړونه او حکومت جوړونه کي مهم رول لوبوي، د حکومت او د اسلامي ثقافت د حکومتولۍ، پیاوړي بنسټ او د دوست او دوښمن پېژندلو برخه کې اړین دی، له دغه پروگرام څخه په گټه اخیستني سره کوښښ وکړئ، چې اسلامي نظام لا پیاوړی کړئ.
د دغه روزنیز پروگرام پرانیستغونډه د خیر په دعایې پای ته ورسېده.
د یادونې وړ ده، چي دغه پروگرام به (۱۰) ورځي وغځېږي، چي په ترڅ کي به ئې د مجربو ښوونکو او متخصصینو له لوري د مدیریت اساسات (پلان جوړونه، سازماندهۍ، گمارني، فرماندهۍ، کنټرول) او نور اړوند مسایل گډونوالو ته تشرېح سي.
\