د مالیې وزارت سرپرست د شهیدانو او معلولینو په چارو کې د دولت له وزیر سره د دې ادارې د سیستمي او اداري اصلاحاتو په اړه خبرې وکړې

admin_mof
دوشنبه ۱۳۹۸/۶/۱۱ - ۹:۲۶
خبر

د مالیې وزارت سرپرست او د زېربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د وږې میاشتې په ۱۰ مه نېټه د شهیدانو او معلولینو په چارو کې د دولت له وزیر ښاغلي لعل الدین اریوبي، سره په مالیې وزارت کې وکتل.

په دې لیدنه کې د شهیدانو او معلولینو په چارو کې د دولت وزیر، د کارکړنو، د دې ادارې د کړنو په ډولونو، د شهیدانو او معلولینو چارو په وزارت کې د اداري او سیستمي اصلاحاتو په پلي کولو، بودیجوي مسایلو او د نوموړې ادارې د سرچینو د کمښت په تړاو د مالیې وزارت سرپرست ته لنډ معلومات وړاندې کړل او له هغه یې وغوښتل، چې د دې ادارې د کاري ارزښت په پام کې نیولو سره یې د بودیجې په برخه کې بیا کتنه وکړي.

د مالیې وزارت سرپرست وویل، چې ډېر ژر به د ۱۳۹۹ مالي کال بودیجې استماعیه ناستې ترسره شي، د شهیدانو او معلولینو په چارو کې د دولت وزارت دي د نورو بودیجوي واحدونو په څېر د سرچینو ستونزې او بودیجوي مسایل د بودیجې په استماعیه ناسته کې وړاندې کړي. مالیې وزارت به د هیواد نافذه قوانینو په رڼا او امکاناتو ته په کتو د بودیجې په تخصیص کې اړینه همکاري ورسره وکړي.

ښاغلي قیومي، د شهیدانو او معلولینو په چارو کې د دولت وزیر ته د سیستمي اصلاحاتو پلي کولو په هکله یادونه وکړه، چې د مالیې وزارت تقاعد خزانې لوی ریاست، د نفوسو د احوالو ثتبولو ادارې او اداري اصلاحاتو څخه ګډه کمېټه جوړه شي، څو په دې اداره کې د اصلاحاتو پلي کولو څرنګوالی وڅېړي.

همدا راز د مالیې وزارت سرپرست وویل، چې د شهیدانو او معلولینو د مستحقو وارثېنو د دقیقو ارقامو او احصائیې ثبتولو او هغوی ته د اړینو خدمتونو وړاندې کولو لپاره باید د تقاعد د خزانې لوی ریاست او د نفوسو د احوال ثبتولو له ادارې مرسته وغوښتل شي.  نوموړي زیاته کړه، چې موږ شهیدانو او معلولینو ته د مرستې رسونه خپله وجیبه ګڼو او د مالیې وزارت به په دې برخه کې اړینه همکاري وکړي.  

خبر

د شهیدانو او معلولینو په چارو کې د دولت وزیر، د مالیې وزارت له سرپرسته د مننې ترڅنګ وویل، چې موږ په ګډه کمېټه کار کوو، څو د تقاعد خزانې لوی ریاست او د نفوسو د احوال ثبتولو ادارې تجربې له نږدې وګورو او د شهیدانو او معلولینو د مستحقیو وارثینو په پېژندنه کې ترې ګټه واخلو.

تازه خبرونه

چهارشنبه ۱۴۰۰/۱۱/۶ - ۲۲:۹
Background image

د ګمرک نړیوالې ورځې په مناسبت د مالیې وزارت د ګمرکونو لوی رئیس د مبارکۍ پیغام

د سلواغې ۶مه چې د ګمرک نړیوالې ورځې سره برابره ده، خپلو ټولو مرکزي او ولایتي همکارانو ته د یادې ورځې مبارکي وایم،

پنجشنبه ۱۴۰۰/۱۰/۳۰ - ۲۲:۲۱
Background image

د (افغانستان د اقتصاد کنفرانس/نوی پیل) تر عنوان لاندې د افغانستان لومړنی اقتصادي کنفرانس ترسره

د(افغانستان د اقتصاد کنفرانس/نوی پیل) تر عنوان لاندې د افغانستان لومړنی اقتصادي کنفرانس تېره ورځ

پنجشنبه ۱۴۰۰/۱۰/۳۰ - ۱۱:۳۷
Background image

مطبوعاتي اعلامیه

د (افغانستان د اقتصاد کنفرانس: نوی پیل) په نامه یو ورځنی کنفرانس د مالیې وزارت په ابتکار د ۲۰۲۲ کال جنوري میاشت په ۱۹مه

BACK TO NEWS