د زېربنا عالي شورای پنځمه تخنیکي ناسته وشوه
د مالیې وزارت سرپرست او د زېربنا په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، په مشرۍ د لېندۍ میاشتې په ۵ مه نېټه د زېربنا عالي شورای پنځمه تخنیکي ناسته په مالیې وزارت کې وشوه.
په دې ناسته کې د کاماز استوګنیز او سوداګریز ښارګوټې د پروژې په طرحه، د دې پروژې په معرفي، موخو، مالي تحلیل او د مشارکت په انتخاب، د یادې پروژې د پلي کولو په موډل، د دې پروژې په اقتصادي او ټولنیزو اغیزو، د (کاماز) تصدۍ مرکز د باروړونکي تخنیکي ساحې په حقوقي ستونزو، د کاماز سوداګریزې او استوګنیزې پروژې د عامه او خصوصي مشارکت په طرحه، د دې پروژې د پلي کولو لپاره د وړاندیز په موډل،
د افغانستان برېښنا پنځه کلن پلان په منظورۍ، د افغانستان په ټولو ولایتونو کې د نویو پېرېدونکو لپاره د برېښنا برابرولو په موخه د برېښنا نویو پروژو پلي کولو په پلان، د برېښنا انرژۍ د ضایعاتو په کمېدو، د برېښنا رسولو کیفیت په ښه کېدو، له اصلي برېښنا سره د ټولو ولایتونو د مرکزونو په نښلولو، د برېښنا په برخه کې په ځان بسیاینه، د برېښنا وېشلو سیستم په ښه کېدو، د یوې واحدې برېښنایي شبکې په پراختیا، د برېښنا رسونې په خوندیتوب او د دې پروژې په لاره کې د پرتو خنډونو په تړاو بحث او د نظرونو تبادله وشوه.
