د شرکتونو د مالياتو د ورکړي، د بيت‌ المال او دولتي بوديجې د تمويل په اړه خبرتيا

admin_mof

د ماليې وزارت د عوايدو لوی رياست د شرکتونو ټولو ښاغلو مسؤلينو ته خبر ورکوي، چي د خپلو شرکتونو (د پېر، پلور، تنخواوو او نورو) ټولو اداري اسنادو د ساتني او خوندیتوب په برخه کي جدي پاملرنه وکړي، که نه نو د کوتاهۍ او قصور پر مهال به يې پايلي او عواقب د دوی له پاره گټور نه وي.

پر عايداتو باندي د مالياتو قانون د څلورمي مادې پر بنسټ، په يوه مالي کال کي د حکمي اشخاصو د ماليې وړ عوايدو شل سلنه (خمس) د ماليې وزارت حساب ته د ورکړي وړ دئ؛ نو دغه اشخاص مکلف دي، چي تر هر څه د مخه ژر تر ژره خپل مکلفيتونه تصفيه کړي. 

 ماليات د دولت د بوديجې د تمويل او ملت ته د خدمتونو د وړاندي کولو په موخه تر لاسه او گټه ترې اخيستل کېږي.

ماليات د بيت‌المال يوه برخه ده؛ بيت‌المال هغه مال دئ، چي ټول مسلمانان پکښي حق لري.

د بيت‌المال د نوموني لامل: په تېر وخت کي د اسلامي دولت يوه برخه مالونه او عوايد په خوندي کورونو کي کېښودل کېدل، چي د موقع پر مهال به د خلکو او ټولني د اړتياوو د لېري کولو له پاره لگېدل او د هغو عوايدو نوم د خوندي ځای د تړاو له امله بيت‌المال وبلل سو.

په اسلام کې د بيت‌المال مصاديق: بيت‌المال ډېر زيات مصاديق لري چي تر ټولو ارزښتناک يې زکات، عشر، خمس، خراج، جزيه، ماليات، عامه شتمنۍ، د ادارو اموال، سازمانونه، دولتي مؤسسې اونور دي.

د لا زياتو معلوماتو له پاره د ماليې وزارت اړوند د عوايدو لوی رياست د ماليه ورکوونکو د اړيکتيايي خدمتونو مرکز له زر (۱۰۰۰) شمېرې او يا له (info.ard@mof.gov.af) برېښليک سره اړيکي ټينگي کړئ.

زموږ ماليه - زموږ هېواد - زموږ راتلونکی

وروستي اعلانونه

شنبه ۱۴۰۱/۷/۲ - ۱۵:۱۸
Background image

 مالیاتي محاسبینو خبرتیا!

د عوایدو لوی ریاست اړوند د حقوقي خدمتونو ریاست د مالیاتي محاسبینو مدیریت په پام کې لري، چي د پينځمي دورې د مالیاتي محاسبینو

شنبه ۱۴۰۱/۶/۲۶ - ۱۵:۵۰
Background image

د شرکتونو د مالياتو د ورکړي، د بيت‌ المال او دولتي بوديجې د تمويل په اړه خبرتيا

د ماليې وزارت د عوايدو لوی رياست د شرکتونو ټولو ښاغلو مسؤلينو ته خبر ورکوي، چي د خپلو شرکتونو (د پېر، پلور، تنخواوو او نورو) ټولو

شنبه ۱۴۰۱/۶/۲۶ - ۱۵:۴۷
Background image

د برېښنايي مالياتي اظهارليکونو د وړاندي کوونکي سيسټم يا (e-Filing) د روزني خبرتيا!

ټولو سوداگريزو شرکتونو ته خبر ورکول کېږي، چي د ماليې وزارت د عوايدو لوی رياست اړوند درې گوني (د لويو، منځنيو او کوچنيو ماليه ورکوونکو)

Back to announcements