د غضنفر ګروپ شرکت د مزارشریف ګازي برېښنا په پروژه ۸۹ میلیون ډالره پانګونه کوي

admin_mof
پنجشنبه ۱۳۹۹/۳/۲۹ - ۱۲:۲۸
خبر

د غضنفر ګروپ شرکت د غبرګولې میاشتې په ۲۸ مه نېټه د (IFC) له نړیوالې مالي مؤسسې سره، چې د نړیوال بانک له زېر مجموعې څخه ده د ۶۰ میلیون ډالرو په ارزښت پور اخیستو هوکړه لیک لاسلیک کړ.

د پور اخیستنې هوکړه لیک لاسلیکولو موخه د خپلواکې انرژۍ (IPP) پروژې په بڼه د مزارشریف په ګازي برېښنا د ۸۹ میلیونه امریکایي ډالرو پانګونه ده. له دې ډلې پاتي ۲۹ میلیونه امریکایي ډالره به له شریکانو سره په ګډه د غضنفر ګروپ ورکوي. یاده پروژه د عامه او خصوصي مشارکت له لاري پلي کېږي او مالیه وزارت یې د تضمین کوونکي رول په غاړه لري.

د یادې پروژې ټولیزه وړتیا ۵۹ میګاواټه ده، چې په هیواد کې د ۳۰ سلنه برېښنا تولید زیاتېدو سبب ګرځي او تولید شوې انرژي به په بلخ، کابل او ننګرهار ولایتونو کې ووېشل شي.

په دې مراسمو کې چې په همدې موخه د مالیې په وزارت کې ترسره شول، د مالیې وزارت نوماند وزیر او سرپرست ښاغلي عبدالهادي ارغندیوال، د افغانستان لپاره د نړیوال بانک رئیس ښاغلي هنري کرالي، او د غضنفر ګروپ شرکت رئیس ښاغلي محمد اسماعیل غضنفر ګډون درلود.

د مالیې وزارت نوماند وزیر او سرپرست ښاغلي عبدالهادي ارغندیوال، وویل:" خصوصي سکټور د افغانستان زېربنایي او اقتصادي پروګرامونو په بیا رغونه او پیاوړتیا کې ارزښتناک رول لوبولی او د حکومت اساسي لومړیتوب د دغه سکټور پیاوړي کول دي. نوموړي زیاته کړه، خوښ یم چې نن ورځ خصوصي سکټور په هیواد کې د انرژۍ په یوه اړینه پروژه پانګونه کوي".

د غضنفر ګروپ شرکت رئیس ښاغلي محمد اسماعیل غضنفر، وویل: موږ دې پروژې ته د سوداګریزې پروژې په سترګه نه ګورو بلکه دا د افغانستان د بیا رغونې او د خلکو د سوکالۍ په برخه کې ستر ګام دی.

د نړیوال بانک رئیس ښاغلي هنري کرالي، وویل:" خوښ یو چې د افغانستان خصوصي سکټور یوه واحد ته پور ورکوو، څو په دې اړینه پروژه پانګونه وکړي. هغه وویل، چې هیله لرو څو نور خصوصي شرکتونه هم له غضنفر ګروپ څخه الهام واخلي او په دې برخه کې پانګونه وکړي."

د یادونې وړده، چې د تخنیکي قرارداد له مخې به تولید شوې برېښنا د افغانستان برېښنا په شرکت پلورل کېږي او نوموړی شرکت به یې خلکو ته ور وېشې.

خبر

ټاکل شوې ده، چې یاده پروژه د ۲۰۲۲ کال په منځنیو کې بشپړه او ګټې اخیستنې ته وسپارل شي.

///

تازه خبرونه

پنجشنبه ۱۳۹۹/۶/۲۷ - ۹:۱۷
Background image

د مالیې وزارت سرپرست له افغانستان سره د اسیا پراختیایي بانک (ADF) د اوږدمهاله ملاتړ غوښتونکی شو

د مالیې وزارت نوماند وزیر او سرپرست ښاغلي عبدالهادي ارغندیوال، د وږې میاشتې په ۲۶ مه نېټه د اسیا پراختیایي صندوق لپاره د مالي ژمنو په دیارلسمه ناسته کې

چهارشنبه ۱۳۹۹/۶/۲۶ - ۱۵:۱۳
Background image

د سویلي اسیا د سیمه ایزو همکاریو سازمان یا سارک غړو هیوادونو د مالیې وزیرانو ۱۵مه ناسته وشوه

د مالیې وزارت مالي مرستیال ښاغلي عبدالحبیب ځدراڼ، د وږې میاشتې ۲۶ مه نېټه د سویلي اسیا د سیمه ایزو همکاریو سازمان یا سارک غړو هیوادونو د مالیې وزیرانو ۱۵مه ناسته کې د ویډیو کنفرانس له. . .

چهارشنبه ۱۳۹۹/۶/۲۶ - ۱۱:۰
Background image

مطبوعاتي اعلامیه: د سولې، سوکالۍ او ځان بسیاینې پرلور د افغانستان لپاره د ۲۰۲۰ کال کنفرانس

کابل، د ۲۰۲۰ کال د سپتمبر ۱۵مه - د افغانستان په اړه د ۲۰۲۰ کال کنفرانس چې ټاکل شوې د نوامبر د میاشتې په ۲۳ مه او ۲۴ مه په جینیوا کې

BACK TO NEWS