د مالیې وزارت سرپرست په افغانستان لپاره د ایران اسلامي جمهوریت له سفیر سره د دواړو هیوادونو تر منځ د اقتصادي او سوداګریزو اړیکو په لا ټینګښت خبرې وکړې
د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي ډاکټر محمد همایون قیومي، نن د کب میاشتې په ۱۱مه نېټه د افغانستان لپاره د ایران اسلامي جمهوریت له سفیر ښاغلي محمد رضا بهرامي سره وکتل.
په دې کتنه کې دواړو لوریو د افغانستان او ایران تر منځ د اقتصادي او سوداګرۍ ګډې کمېټې په راتلوونکې ناستې، د افغانستان او سیمه ایزو هیوادونو د صادراتو او وارداتو د راکړې ورکړې لپاره د چابهار ترانزیټي مسیر په اغیزمنې ګټې اخیستنې، د دواړو هیوادونو تر منځ د ګمرکي اطلاعاتو د تبادلې په زیاتوالي، سیمه ایزې نښلونې، د دواړو هیوادونو په پولو کې د مرزي بازارچو په وضعیت او یو شمیر نورو اړوندو مسایلو خبرې وکړې.
