د کورنۍ پلټني لوی ریاست کارکوونکو ته د ظرفیت لوړولو ورکشاپ ترسره سو

د کورنۍ پلټني لوی رئیس انجنیر عبداللطیف خالد په مشرۍ د دې ریاست کارکوونکو ته د  ظرفیت لوړولو ورکشاپ ترسره او تر راتلونکو څو ورځو پوري به دوام وکړي.

په دې ورکشاپ کي د درغلیو او سیستمونو د ریاست رئیس، د عوایدو او ګمرکونو د ریاست سرپرست، د بودیجې او خزاینو د ریاست سرپرست او همدارنګه د شتمنیو او ظرفیت لوړولو ریاست سرپرست هم شتون درلود.

 په پیل کي د کورنۍ پلټني لوی رئیس د دې ورکشاپ د اهمیت په ا ړه ګډونوالو ته معلومات ورکړل او زیاته یې کړه، چي د نوي  عصر او تکنالوژۍ سره سم باید ټول کارمندان ځانونه په مسلکي او تخصصي  برخو سمبال او هم په مسلکي او تخصصي ورکشاپونو کي برخه واخلي تر څو خپلي تجربې او پوهه یو بل ته انتقال کړي. وروسته کډونوالو هر یوه د دې ورکشاپ د ارزښت  په اړه خپل نظرونه وړاندې کړل.

 د یادولو وړ ده چي د پلټني د اصلاحاتو دفتر کارکوونکو لخوا د AMIS  ( Audit Management Information System)  سیستم په اړه د کورنۍ پلتنې لوی رئیس ته معلومات ورکړل سول، چي د نوموړي لخوا بیا د کارکوونکو د ارزوني سیستم او د پلټني تعقیبولو (پیگیری) سیستم د نوښت په اړه لازم هدایت ورکړل سول او په پای کي مجلس د دعا په لوستلو سره پای ته ورسېده.